Regulering av vegane i Breidablikk  hyttefelt

5.mai skal Skjåk kommune ha eit førebuande planmøte på Lillehammer vedrørande vegane/reguleringsendring i Breidablikk hyttefelt. Dersom det går "vår veg", vil så kvar hytteeigar  få tilsendt eit utkast av planen frå kommunen med svarfrist for uttale. Hytteforeininga legg ut karta over området her og oppmodar hytteeigarar som har felles veg om å samsnakkast. Er vegplanen ok, eller er det ønskje om justeringar? Det er greitt å vere litt i forkant då svarfristen for uttale ikkje er lang. Karta er lagt inn som PDF-fil. Kart kan de også sjå på veggen ved vassposten på parkeringsplassen.